Letër zotit Lu për skandalin “Genci Bilali”. Nga Armir SHKURTI

I nderuar ambasador i Shteteve të Bashkuara të Amerikës.

Në fillim të muajit shkurt ju i bëtë thirrje, citoj; “shqiptarëve patriotë, të kualifikuar, që të aplikojnë për të shërbyer në  Komisionet e Vettingut”

Thirrja është bërë si në shqip ashtu edhe në anglisht dhe mban emrin tuaj në  të , si titullari i institucionit dhe njëkohësisht autoriteti më i lartë i SHBA në vendin tonë.

Njëri ndër shqiptarët patriotë që ju besoi JUVE dhe thirrjes tuaj është edhe Genci Bilali, një avokat me emër në Nju Jork. Natyrisht ai është shtetas amerikan dhe beson se ambasadori i vendit të tij, kudo që të jetë, është garant për çka deklaron a ofron.

Ky Genci, përveç një kariere brilante aty, në Shtetet e Bashkuara të Amerikës, ka edhe një cv brilante arsimi, në shkollat më të mira të vendit Tuaj. Ai është diplomuar në The University of Edinburgh School of Law Doctor of Philosophy (Ph.D.), Banking, Corporate, Finance, and Securities Law, Fordham University School of Law Master of Laws (LLM), Banking, Corporate, Finance, and Securities Law, Georgetown University Law Center, International Law Institute Diploma, Debt Management Course, University of Tirana School of Law Bachelor’s Degree, Law Degree (Juris Doctor)…..por E KANË SKUALIFIKUAR!

I nderuar ambasadori Lu.

Avokatin shqiptaro-amerikan, Genci Bilali, me shkollim e kualifikim në shkollat më të mira të vendit tuaj e kanë skualifikuar se nuk përmbush kriterin e ….arsimit?!?!?!?!

Ky doktor në jurisprudencë, avokat në SHBA nuk plotëson kriterest e arsimit në Shqipëri? Në fakt ka ndodhur në hile e “vockël” këtu në Shqipëri. Ligjërisht diplomat e huaja duhet të konvertohen në Ministrinë e Arsimit. Por nga 4 shkurti kur Ju lëshuar thirrjen, koha qe tepër e shkurtër që avokati Genci Bilali të linte vendin e tij dhe biznesin e tij, të vinte e të niste proçedurat e t’i mbaronte fët e fët.

Uroj që avokati nga Nju Jorku ta marrë me buzagaz këtë aventurë shqiptare e të mos ju ndjekë në rrugë ligjore Ju, që i bëtë thirrje zyrtare por nuk i dolët garant, qoftë edhe me një deklaratë a protestë pas skualifikimit të tij, duke i lënë zyrtarisht në CV në fakt një njollë, si një konkurent i skualifikuar nga një garë, në një vend të Europës, për mungesë arsimi.

 

 

Share...Share on FacebookTweet about this on TwitterEmail this to someoneShare on Google+Share on LinkedInPin on Pinterest

2 Comments

  1. Cfare ju duket vetja ketyre komunisteve te vjeter shqipetare,ju duket vetja se bota rrotullohet rreth tyre ,sa keq,shqiptaret dine vetem nje gje shesin mend .Do ishte fat per kte vend te punonte Z Genc Bilali me kto qe po lexoj Mjere kto mjerane mjere ky vend ne dore te kujt ka rene

  2. Lajmi qenka shume interesant!

    Se di tani pasi e lexova se cfare duhet te mendoj e te te shkruaj. A keni ndonje lajm motivues?

    Thnx

    Viral

Leave a Reply

Your email address will not be published.


*