Nëse po godasim Tahirin, po shpëtojmë Edi Ramën sot. Nga Arben SKËNDERI

Tani beteja jonë është dëbimi i Edi Ramës një sahat e më parë! Pas arrestimit të kushërinjve të ish Ministrit të Brendshëm në Itali për aktivitet mafioz, beteja e opozitës nuk mund të pèrqëndrohet tek ish ministri. Por TEK LARGIMI I MENJËHERSHËM I KRYEMINISTRIT EDI RAMA.

Asnjë nga akuzat që dolën sot nuk janë të reja. Saimir Tahiri i ka patur kushërinj këta tipa edhe kur ishte në qeverinë Rama. Historia e makinës së tij me të cilën qarkullonin kushërinjtë e denoncuar publikisht nga opozita, sidomos nga Sali Berisha, ka qenë refren sa në media aq në Parlament, sa në rrjete sociale aq në diskurset politike. Nuk po përmend masivitetin e kultivimit të hashashit në gjithë territorin e vendit dhe denoncimet po të opozitës për Tahirin dhe strukturat e policisë së tij si të përfshira në këtë megabiznes mafioz.

Pavarësisht të gjithave, Rama e mbajti, e mbrojti dhe e rizgjodhi deputet. Kjo do të thotë se, tashmë nuk është më çështje Tahiri por çështje e garantit dhe mbrojtësit të tij politik, është çështja e kryeministrit Edi Rama!

Nëse goditjet e opozitës përqëndrohen tek Saimir Tahiri, përfitimin e drejtpërdrejt e ka Edi Rama. Madje sa më fort të goditet ish ministri aq më faqebardhë del kryeministri, i cili është realisht përgjegjësi i vetëm politik i kësaj situate.

Share...Share on FacebookTweet about this on TwitterEmail this to someoneShare on Google+Share on LinkedInPin on Pinterest

Be the first to comment

Leave a Reply

Your email address will not be published.


*